Өврийнхөө дэвтрээс ...

Рэнчиний Чойном

Уйлган намрын бороотой өдөр
Уйтгарлан суунам би.
Усан хөшиг татаж
Цонх бас уйтгарланам.

Өчигдөр модны навчис унасан.
Өөрөөс минь, сэтгэл зүрхнээс минь унаж байгаа юм шиг л
Навчис эргэлдэн унах нь хайран байв.
Нарны хэлтэрхийнүүд шиг шаргалтан унах нь хайран байв.

Тэгээд өнөөдөр нар алга байна.
Тэнгэр битүү бүрхсэн байна...

Асуувал хариулъя

Narangua ohin: deamon tools gej ashiglaj uzsen uu
MongolGoo: uzseen
Narangua ohin: yaj ashigladiin
Narangua ohin: neej bolohgui yum iso geed
Narangua ohin: tegeed daemon ashiglah yostoi yum uu
MongolGoo: tiim ee
MongolGoo: deamon goo suulgasan uu?
Narangua ohin: suulgasan
MongolGoo: system tray deer chin ulaan, goldoo tsahilgaan tsahij baigaa yum shig durstei tiim icon baigaa
Narangua ohin: tiim
MongolGoo: teruun deeree ehleed hulganiihaa baruun tovchluuriig daraad, neegdeh tsesnees ni hamgiin ehnii Virtual CD DVD/ROM commandiig songono. Tegeed Set number of drivers... gedegees
MongolGoo: heden virtual CD ROM driver uusgehee songono
MongolGoo: tegeed
Narangua ohin: za
MongolGoo: baruunaa darsan ch bolno zuunee darsan ch bolno
MongolGoo: Bi chamd zuunee darahiig ni heliye
Narangua ohin: hehe
Narangua ohin: ok
MongolGoo: ahiad deamongiinhoo icon deer ni zuun tovchluuraa daraad neegdeh tsesnees ni Device 0: [x] No media gej baigaa
Narangua ohin: hediig uusgeh gedeg ni yu gesen ug ve
Narangua ohin: hediig ch boloh uu
MongolGoo: naad chin virtuailaar CDROM driver uusgene shdee, hediig nemj zalgah be gesen ug
MongolGoo: naana chin hamgiin ihdee heden shirheg baina?
Narangua ohin: 4
MongolGoo: max 4
MongolGoo: chi 4 iig songoson bol zuun tovchluuraa darhaar chin 4 shirheg device 0: device 1: device 2: device 3: geed garch irne
Narangua ohin: ok
MongolGoo: tegeed device deeree songohoor shuud file open hiideg tsonh garaad irne
MongolGoo: tegeed iso file aa zaaj ugnu
Narangua ohin: ok
MongolGoo: yamar nertei (D, E, F or I) CDROM driver boloh ni [x] iin orond haragdana shuu
Narangua ohin: ok
MongolGoo: Device 0: [x] No media ====>>> [x] x iin orond virtual CDROM driver iin ner ni baigaa
Narangua ohin: open file geed darsan tag
MongolGoo: tegeed l boloo
MongolGoo: tegeed
MongolGoo: tegeed Windows Explorer araa orhoor chin driver chin orood irtsen baina
Narangua ohin: tiim bna
MongolGoo: huui
MongolGoo: bi eniig blog deeree tavilaa
Narangua ohin: tegeech

Миний хамгийн дуртай ...

Өнөөдөр яагаад ч юм сэтгэл санаа нэг тиймхэн. Гунигтай, юм ч хийж болохгүй. Өөрийнхөө сонсох дуртай ёстой л Best of Best-ийгаа сонсмоор, upload хиймээр санагдаад... шууд сонсох линк тавьж чадахгүй тул шууд хуулчихлаа.
Татаж аваад сонсоорой. Би ч нэг иймэрхүү дан ая сонсох дуртай хүн дээ.

Oliver Serano-Alve - Axtú Leman Sumix Sacred Mountain

Охин үр

Дуучин УГЖ Эрдэнэбат, Бүрнээбаяр нарын дуулсан "Охин үр" дууг танилцуулъя. Охин үртэй хүн бүрийн нь туулдаг хувь заяа байх даа.

Охин үр

Цэцгэн буурал гацуур модны гунигийг цэлмүүлхээр
Цэцэгт хаврын цэнхэр яргуй цасан дээр хэвт энэ
Цээжний гуниг, насны баярын дундуурыг дүүргэхээр
Цэлмэгэр багахан охин үр минь нартад мэндэллээ

Цээний цэцэгт хөвчийн хангайн цэнгэлийг гүйцээхээр
Цээлхэн дуутай хөхөө шувуу зунжин донгодлоо
Цэвэр ичимтгий монгол зангаараа хотлыг уяраахаар
Цэв цэвэрхэн охин үр минь гэрээ гийгүүлнэ ээ

Цэмцгэр гоёхон цэцгийн цэнгэлийг гүйцээгээр
Цэнгүүн тайгийн цэгзхэн гацуур намрыг үдлээ
Цэлмэж туулдаг, алдаж ухаардаг хорвоог танихаар
Цэлгэр гол шиг охин үр минь дуулан гэгэлзлээ

Цэлийн цэлийx цасан далайн гунигийг нимгэлxээр
Цээнэ шарилж өвлийн туршид цасанд сэрвэлзэнэ ээ
Цэрвүү xолдоо оxин үр минь xадамд гараxаар
Цэцгийн үндэс шиг ижий аав нь гэртээ үлдэнэ ээ

Дараах холбоосоор дууг нь татаж авч сонсоорой: Охин үр
Жич: Дууны үг бичихэд тусалсан Дүлзэн ахдаа маш их баярлалаа, :-)

Өөрийнхөө нутагт байхдаа хүний нутгийн хүнийг хайрла ...

Өөрийнхөө нутагт байгаа хүний нутгийн хүнийг хайрла гэж хүний нутагт яваа хүнд сэтгэлийн дэм болдог уу даа.

Монгол нутагтаа байхдаа төдийлөн хайхардаггүй, сонсдоггүй бүхэн хүний нутагт явахад гэнэт хаанаас ч юм толгойд, сэтгэлд зурс хийн орж ирэх нь сонин. Ээжийн үглэж хэлсэн, аавын цөөн ч гэсэн хаа нэг дуугарсан үг гээд л ... Тэр болгоныг төдийлөн ухаж боддоггүй, бас нарийн учрийг ойлгодоггүй байж дээ.
Хаанаас ч юм нэг л өдөр миний санаанд орж эргэцүүлэн бодход хүрсэн энэ өгүүлбэр. Үнэхээр л хүн хүнээ хайрлаж, хүндлэх шиг агуу тус, сайхан сэтгэл байдаггүй г хэлж дээ.
Хүний нутгийн хүн гээд хуурамчаар инээж, долигоно гэсэн үг бишээ. Үнэн сэтгэлийн угаас хэлсэн ганцхан үг ч гэсэн хүний нутагт хайртай бүхнээ санан битгэрч яваа хүнд сэтгэлийн дэм, их эрч хүчийг хайрлах болно. Энд олон олон жишээг дурьдаж болох ч нэг зүйлийн талаар бичье.

"Тодоос тод нүд гялбуулсан хэний ч анхаарлыг татхаар улаан ягаан өнгөөр хумсаа будсан намайг харсан таньдаг эгч толгой сэгсрээд ийм өнгөөр будаад энэ их сонирхолтой гоё байна уу гэж асуугаад их л дурамжхан харна. Намайг гоё гэхээр - Ээж чинь чиний энэ будсаныг хараад юу гэх вэ? гээд намайг -Мэдээж дургүй, миний охин энийгээ арилгачих гэнэ ээ гэхээр. - Тээр, хол байгаа ч гэсэн ээжийгээ дэргэдээ байгаа гэж бодоод хэлсэн болгоныг нь биелүүлж яв аа" гэж сургаж билээ.
Хэдийгээр бид хоёр хэл, ус ёс заншил өөрч тэр хүний төрсөн охин шигээ санаж хэлж суугаа нь өөрийн эрхгүй сэтгэлийн утас хөндөж билээ.

Мэргэжилээ сонгосон минь

Олоон жилийн өмнө би жоохон хүүхэд байлаа. Аавыгаа дагаад ардын сургуулийн алтан босгыг алхаж орсоноос хойш олон олон дурсамжуудаар дүүрэн билээ.

Сургуульд орсон цагаасаа л гэхдээ яг анх хэзээ эхэлсэн ээ мэдэхгүй ч миний хүүхэд ахуйн нэг хобби зураг зурах байлаа. Цаг заваа яаж зохицуулдагаа мэдэхгүй ч заримдаа хичээлээсээ ирээд цайгаа ч уулгүй хичээлийнхээ хувцсаа солиод зураг зураад суудаг байв. Ээж маань их урам өгнө өө. Өөрөө зохиож зурахаасаа илүү харж, үлгэрийн ном, сэтгүүл дээрх гоё гоё зургийг дуурайлган зурна аа. Нэг удаа 3 билүү 4р ангид байсан жил сургуульд дээр байгалийн сэдэвтэй зургийн уралдааны зар олж хараад аймгийн төвийн урд талд байдаг "Улаан" уулаа зураад өгцөн нь уг уралдаанд 3р байр эзэлсэн байж билээ. Тэр уралдаан дунд, ахлах ангийн хүүхдүүдийн дундах тэмцээн байж л дээ. Хичээл дээр зургийн багш орж ирээд уралдаанд байр эзэлсэн гээд нэг гэрчилгээ өгдий, хэхэ. Тэр цагаас зургийн багш манийг их тоож зураач болохыг хэн байг гэхэв гэнэ. Хичээл дээр хүүхдүүдэд даалгавар өгчөөд надыг өвөр дээрээ суулгаад хамт зураг зурдаг байв. Би ч өөдсөн чинээ амьтан байсийн болхоор том биетэй багш хажууд нь суучихаар алга болчдог байсан байх л даа. Тэгээд л зургийн хичээлийн нэг цаг харавсан сум шиг хурдан өнгөрнө дөө. Одоо бодход зураг зурах арга ч юм уу, жижиг жижиг элемэнт ч юмуу заадаг байж дээ. Харандаагаа таслахгүй нэг тойруулаад ямаа зурах эсвэл усан будагныхаа өнгийг хооронд нь уусгаад дунд нь модны дүрс гаргах гэх мэт. Зарим хичээл дээр нь харуулж байгаад өөрөө зураг зурж өгнө. Би дараа нь тэр юмнуудыг нь хийж үзнэ ээ. Хэхэ. Багшийнхтай ижилхэн болдог байсан уу, үгүй юу мээдкү. Ядаж төстэй л болдог байсан байгаасай. Багш маань "Зургийн дугуйланд явна шүү" гэж захидаг байж билээ. Зургийн дугуйланд 6-гаас дээш ангийн сурагч явдаг байсий.

Дараа нь 6-р ангид орсон жилийнхээ намар нь "Өсвөрийн залуу зохион бүтээгчдийн төв" гэсэн сүрхий нэртэй газар дугуйланд бүртгүүлэхээр очивдоо. Ангийн найз Сарнай гээд охинтой хамт. Тэнд зөндөө олон толгой эргэм дугуйлан секц байж билээ. Тэр олон дугуйлан, секцээс би зургийн биш компьютерийн дугуйлан гэдгийг сонгож билээ. Тэр үе тэр агшин миний мэргэжлээ сонгох эхний алхам, амьдралын анхны алхам байж дээ. Тэр жилдээ би компьютерийн дугуйланд аваад зургийн дугуйланд яваагүй. Багш ч дугуйланд ир, ирсэнгүй гэж их л гуйсандаа. Заримдаа коридорт таараад загнана. Дараа жил нь би өөр сургууль руу шилжээд зургийн багш бид хоёрын холбоо тасарсандаа.
Өөр сургуульд манай анги математик геометр, хими физик гэсэн хоёр группэд хуваагддаг би хими физикийн группэд явдаг байв. Санаа нь эмч болчих санаатай. Сүүлдээ зах зээл гэдэг айхтар шуурганд сургуульд маань өөр сургуультай нэгдэж манай анги 9, 10даа математикийн гүнзгийрүүлсэн сургалттай анги болсноор би химийн туршилт биш тоо боддог болов. Мөн явдаг байсан компьютерийн дугуйлан маань хаагдаад багш нь хот руу шилжээд явчив. Миний хувьд компьютер хорхой хөдөлгөсөн сонирхолтой эд болж хувирсандаа.
Тэгээд 10р ангийн консурсэд ТИС-ийн програм хангамжийн хуваарь авснаар компьютерчин болох зам маань дурайсан юм даа.

Өөрийнхөө дэвтрээс ...

Дурласан сэтгэлээ дурссаар
Дуулимд хосоор жаргагч жигүүртэн урлаад
Дурсгаад бэлэглэлээ чамдаа
Дурласан сэтгэлээ бас илгээлээ

Дураар нисэгч шувуудыг дагаад
Даруухан чи минь нисчихвээ.
Сайхан төрхийг чинь санан санан
Сэтгэлээ би хайгаад олдоггүй ээ.

2007.09